主頁 » 公共出租房屋 » 擴展市區公屋 » 舊公屋係全香港最恐怖嘅東西
頁尾 帖尾 顯示所有留言 搜索某用戶之留言 回帖 在本分區發新帖 搜索本分區 搜索
1...6
支持鍵盤翻頁

舊公屋係全香港最恐怖嘅東西
先講舊長型公屋,排污渠在室內,隨時命都無,怕因爆屎渠(堅爆,非指污水倒流)事件多不勝數,最常爆嘅係廁所上層地台嘅去水位,樓上通渠太粗暴或不當咁用咗某些化學物品如強硫酸或硝酸,樓下就係咁先,準備定食污水飛曬,品嚐皮肉潰瀾,完全係置住戶於死地,相比見鬼更加恐怖,諗起都毛管凍。

新長型同樣有類似問題,啱啱幾日前恒安邨恒江樓先發生左一單,事主被爆渠內的漒水弄傷皮膚及眼睛,睇見都心痛。

舊長型仲有好多衰嘢,例如兩戶共用一條屎渠,成為播嘅主要媒界,啱啱新冠肺炎先至發生咗。另外舊長型計設太差,連煤氣熱水爐都難以安裝,只能安裝一個巨型炸彈 (儲水式電熱水爐) 入廁所,一有咩差池人命都無 (已經發生過唔少單電熱水爐爆炸事件,唔好睇少蒸氣壓力嘅威力)。

長型公屋仲有一樣折磨人嘅,就係最底層有商店,若一個不好彩,樓下係冷凍機房或食肆排煙槽,就包保你日日都提心吊擔,要長年閉窗過活,甚至晚晚發惡夢,久而久之你唔會敢再逗留係個單位內,情願去機場露宿透下氣。

再講 Y 型公屋,同樣屎渠在屋內,只不過部分設計有渠房遮住,但係就正正容易令住戶中伏,要有心理準備隨時一夜之間全單位變成屎水澤國,除非你係最頂層喇。

總而言之,舊公屋係全香港最恐怖嘅東西,有入無出,有如十八層地獄。
分享 讚好人數:1查看名單


最危險都系大火同爆炸,公屋實在太密集
分享 讚好人數:0查看名單


其實新的公屋都不一定完美⋯⋯咁點辦好?
自己買?都有機會差架喔⋯⋯
分享 讚好人數:3查看名單


回應 #1 biggesthell

咁舊公屋又唔完全係衰,例如工字型同Y3Y4空間都幾見使;另外,Y3Y4用暗喉設計,相對比較企理(但依家啲Y3Y4絕大多數只供出售)
而比較衰嘅Y型大廈主要係Y2(尤其是畸形廚廁同房間格局;如果係極低層+座向差單位,仲會有一種好大嘅壓迫感)本留言最後由 我為樓狂 於 2020-09-24 22:37:31 編輯
分享 讚好人數:3查看名單
改善居屋設計,大幅增加兩房戶數目!


有冇參觀過唐樓? 樓梯都殘舊還要冇lift,厠所和廚房一齊的套房住過未? 但我都不會型容人地係恐怖,生活就是好實在好現實,如有錢,應該個個都買豪宅。
時代是進步,新公屋有改善是正常,但過去的路和演變我也會記得,這是歷史記憶,不恐怖的,幾代人也是在這些地方成長,舊可能不如新,但也未至於生存不到,但我知新一代已沒有過去的人情味了。
分享 讚好人數:22查看名單
G-12858xx 新4


講到好得人驚
分享 讚好人數:0查看名單
擴4 G13400


唔係住緊公屋嘅講到天花亂墜都得又一鐵證!

【注:本人雖然唔係住緊公屋,但都唔會踩公屋!
分享 讚好人數:2查看名單
打打殺殺唔好煩我,我睇鹹帶好過⋯⋯


回應 #5 laupakyin

的確好懐念細個住彩虹邨嘅日子,成班細路落街玩捉迷藏,邨頭跑到頭尾。有D咩事大叫ㄧ聲成條巷街坊出嚟睇咩事,而家莫講話有事,我諗連對面屋姓咩都未知
分享 讚好人數:4查看名單
市3 。 G13297xx
16/5見主任。23/5轉S2。4/9轉S3。17/9轉S4

19/9首派順利邨 24/9拒絶 7/10歸隊S2
13/10 S3 18/10 S4
23/10 二派漁進


回應 #5 laupakyin

完全中晒point 家陣啲人都係沈浸係自己世界 同身邊嘅人基本無乜交流
分享 讚好人數:0查看名單
G1330xxx 05-2018 擴2轉市2 05-2019 加名轉市3
06-2019 S1 02-12-2019 S2 30-09-20 S3 06-10-20 S4首派馬頭圍邨 ❌拒絕 02-11 二派S3 ⌛️ 24-11 順利邨 25-11電話拒絕❌


甘叫恐怖😱無計!我就覺得無錢至係最恐怖
分享 讚好人數:2查看名單

頁首 帖首 在本分區發新帖 曾訪分區
1...6
支持鍵盤翻頁
重要提示:為免用戶蒙受損失及為公平起見, 一律嚴禁透露商戶或裝修師傅資料, 違者會被警告, 嚴重者將被禁言甚至禁訪本討論區, 敬請合作。 (詳情) (用戶守則)
抱歉! 你無權回帖。
如果你已建立帳戶但未登入, 請按此登入
你未建立帳戶? 請按此建立帳戶。(完全免費)
建立帳戶後請按此重載本頁

請大家將本討論區加入"書籤"或"我的最愛" X
分區表  登記 登錄 頁首 回帖 搜索 頁尾 在本分區發新帖